26 maj 2007
TIRANE – “Presidenti i Republikës së Shqipërisë, Alfred Moisiu zhvilloi bisedime me Presidentin e Republikës Çeke, Vaslav Klaus”, njoftohet nga burime zyrtare. Sipas tyre, kreu i shtetit shqiptar, Presidenti Moisiu, e uroi homologun e tij çek për organizimin e Samitit të 14-të të Presidentëve të vendeve të rajonit të Evropës Qendrore, që ishte një kontribut më tepër në traditën e shkëmbimit ideve dhe të mendimeve, si dhe të dialogut të përbashkët, në frymën e bashkëpunimit dhe të mirëkuptimit, mes krerëve të shteteve të këtij rajoni.
Sipas njoftimit të burimeve zyrtare, në këtë takim, dy presidentët vlerësuan nivelin shumë të mirë të marrëdhënieve mes Shqipërisë dhe Çekisë dhe shprehën besimin për intensifikimin e mëtejshëm të tyre në fusha me interes reciprok.
Në vijim, Presidenti i Republikës bëri një pasqyrë të shkurtër të zhvillimeve në Shqipëri dhe të disa arritjeve të saj në rrugën drejt integrimit euro-atlantik, si prioritet i politikës së jashtme shqiptare. “Shqipëria e vlerëson shumë eksperiencën integruese të Çekisë në BE dhe e shikon me shumë interes mbështetjen e saj ndaj proceseve integruese të Shqipërisë”, - u shpreh z. Moisiu, duke vënë në dukje se “ne dëshirojmë që Parlamenti cek të ratifikojë sa më parë MSA-në, që vendi ynë nënshkroi me BE-në, në qershor të vitit të shkuar”.
Temë e bisedës ishte dhe çështja e zgjidhjes së statusit të Kosovës. Presidenti Moisiu theksoi se zgjidhja për Kosovën ka ardhur si një domosdoshmëri e zhvillimeve historike, sidomos të këtyre dy dekadave e fundit në rajonin e Ballkanit që u karakterizuan nga konfliktet, luftërat, gjakderdhjet, madje dhe spastrimet etnike. “Kosova nuk ka më kthim mbrapa”, - u shpreh Presidenti, duke nënvizuar se “është koha tashmë për një zgjidhje të drejtë e të qëndrueshme”. Gjatë bisedës, z. Moisiu mbrojti qëndrimin se rasti i Kosovës është një rast unik dhe nuk përbën precedent për trajtimin e problemeve në rajone të tjera.
Nga ana e tij, Presidenti çek, Klaus vuri në dukje interesimin e Çekisë për zhvillimin e Shqipërisë, sidomos në aspektin ekonomik, vlerësoi përparimet e bëra në këtë drejtim dhe shprehu mbështetjen e shtetit të tij për vendin tonë në rrugën e integrimit në Bashkimin Evropian dhe NATO. Për Presidentin çek, edhe ky Samit i zhvilluar në Bërno, evidentoi problemin e Kosovës si më të rëndësishmin të pazgjidhur në Ballkan. Sipas tij, mendimet e ndryshme të shprehura për zgjidhjen e çështjes së statusit të Kosovës duhen marrë parasysh për të pasur një zgjidhje që do të gjenerojë paqe dhe stabilitet në rajonin e Ballkanit, gjë për të cilën të janë të interesuara të gjitha palët.
TIRANE – “Presidenti i Republikës së Shqipërisë, Alfred Moisiu zhvilloi bisedime me Presidentin e Republikës Çeke, Vaslav Klaus”, njoftohet nga burime zyrtare. Sipas tyre, kreu i shtetit shqiptar, Presidenti Moisiu, e uroi homologun e tij çek për organizimin e Samitit të 14-të të Presidentëve të vendeve të rajonit të Evropës Qendrore, që ishte një kontribut më tepër në traditën e shkëmbimit ideve dhe të mendimeve, si dhe të dialogut të përbashkët, në frymën e bashkëpunimit dhe të mirëkuptimit, mes krerëve të shteteve të këtij rajoni.
Sipas njoftimit të burimeve zyrtare, në këtë takim, dy presidentët vlerësuan nivelin shumë të mirë të marrëdhënieve mes Shqipërisë dhe Çekisë dhe shprehën besimin për intensifikimin e mëtejshëm të tyre në fusha me interes reciprok.
Në vijim, Presidenti i Republikës bëri një pasqyrë të shkurtër të zhvillimeve në Shqipëri dhe të disa arritjeve të saj në rrugën drejt integrimit euro-atlantik, si prioritet i politikës së jashtme shqiptare. “Shqipëria e vlerëson shumë eksperiencën integruese të Çekisë në BE dhe e shikon me shumë interes mbështetjen e saj ndaj proceseve integruese të Shqipërisë”, - u shpreh z. Moisiu, duke vënë në dukje se “ne dëshirojmë që Parlamenti cek të ratifikojë sa më parë MSA-në, që vendi ynë nënshkroi me BE-në, në qershor të vitit të shkuar”.
Temë e bisedës ishte dhe çështja e zgjidhjes së statusit të Kosovës. Presidenti Moisiu theksoi se zgjidhja për Kosovën ka ardhur si një domosdoshmëri e zhvillimeve historike, sidomos të këtyre dy dekadave e fundit në rajonin e Ballkanit që u karakterizuan nga konfliktet, luftërat, gjakderdhjet, madje dhe spastrimet etnike. “Kosova nuk ka më kthim mbrapa”, - u shpreh Presidenti, duke nënvizuar se “është koha tashmë për një zgjidhje të drejtë e të qëndrueshme”. Gjatë bisedës, z. Moisiu mbrojti qëndrimin se rasti i Kosovës është një rast unik dhe nuk përbën precedent për trajtimin e problemeve në rajone të tjera.
Nga ana e tij, Presidenti çek, Klaus vuri në dukje interesimin e Çekisë për zhvillimin e Shqipërisë, sidomos në aspektin ekonomik, vlerësoi përparimet e bëra në këtë drejtim dhe shprehu mbështetjen e shtetit të tij për vendin tonë në rrugën e integrimit në Bashkimin Evropian dhe NATO. Për Presidentin çek, edhe ky Samit i zhvilluar në Bërno, evidentoi problemin e Kosovës si më të rëndësishmin të pazgjidhur në Ballkan. Sipas tij, mendimet e ndryshme të shprehura për zgjidhjen e çështjes së statusit të Kosovës duhen marrë parasysh për të pasur një zgjidhje që do të gjenerojë paqe dhe stabilitet në rajonin e Ballkanit, gjë për të cilën të janë të interesuara të gjitha palët.
.JPG)
.JPG)
Nuk ka komente:
Posto një koment