NATO, Ëndrra dhe Diskursi Politik


Koment nga Hamdi Nuhiju
PRISHTINE - Sot është bërë vështirë të konceptohet jeta në qoshin e botës, i vetëm pa barrë dhe shoqëri , pa krah dhe pa mbështetje logjike. Duhet të mendojmë në këtë mënyrë pasi që na u imponua një vlerësim jo i drejtë i përmasave të frikës dhe shpresës. Unionet u krijuan në ato caste kur lindi përcarja , jo se me to përçarjes iu tha lamtumirë , porse u ngushtua vend veprimi i saj. Në shekullin që po jetojmë është bërë rrezik cdo castë i brendisë së njeriut, është bërë e hidhur çdo fjalë e thënë në anën tjetër të urës. Sa është i vërtetë konstatimi se njeriu mund të jetojë një mori sfidash pa thënë asnjë fjalë? Është një tezë e rëndë për t`u peshuar mbi analet e mendjes dhe për t`u strehuar në cikcaket e zemrës. Kreatorët e unioneve nuk menduan gjatë për një imazh gri mbi sensualitetin e masave të ngurta. Ato afruan ëndrrën, e ngjyrosën me ngjyrë realiteti dhe iu përshtatën diskursit politikë. M`u në këtë çastin e fundit u zgjeruan problemet në shoqëri dhe nuk u zgjidhën. Një intervenim jo i drejtë mbi baza ideologjike shkatërroi një pjesë të shoqërisë njerëzore. Sot, ende vuajnë disa pjesë të botës si rezultat i këtij intervenimi kaq të dëmshëm për shoqërinë. Por, kjo nuk na jep të drejtë që të ngritemi kundër këtyre unioneve dhe të themi se janë të dëmshme edhe për shoqërinë tonë ku jetojmë. Për Maqedoninë është imperativ kohe kyçja nëpër këto unione dhe pjesëmarrja e saj nëpër qendra trajnuese për intervenime të shpejta ushtarake, por edhe për çështje tjera. Sepse edhe jeta e njeriut edhe jeta e shteteve jashta gardhit është shumë e vështirë. Këto kohëra edhe pse nuk janë të figuruara nga luftëra të ndryshme botërore, prapë janë të rrezikshme dhe lind nevoja e vetëmbrojtjes nga sulmet eventuale të jashtme. Nuk është luftë ushtarake kjo që paraqitet në shekullin ku po jetojmë , por më shumë mund ta definojmë edhe si luftë ideologjike dhe ekologjike në shoqëri. Ku përmes ngrohjes globale të tokës cenohen të mira natyrore dhe në këtë mënyrë lind nevoja e ndërvarësisë midis shteteve të ndryshme për cështje elementare. Nuk mundemi ta fajësojmë jetën se ajo nuk diti ta ruaj globin , por duhet t`i fajësojmë armët për shkatërrim masiv dhe furnizimin me energji nukleare. Kyçja e Maqedonisë në NATO do të ishte një favor i rëndësishëm edhe për Ballkanin edhe për Europën. Ka kohë që bisedohet për një kycje eventuale, përgaditen strategji, plane, bëhen reforma ushtarake në vend, pranohen standarde botërore të armatës etj. Por , rezultatet po dëshmojnë të kundërtën e kësaj. Maqedonia vërtet duhet të marrë vendim serioz për kyçjen në NATO dhe Unionin Europian. Tashti ju mund të thuani se Maqedonia ka marrë një vendim të këtillë , porse unë ju siguroj se ende nuk ka vizion të qartë ky vend për kyçjen në këto instanca Europiane. Ja se c`thotë Zhan Mone në memoaret e tij : "Nuk mund të them se prej ku rrjedh besimi se në rrethana të rëndësishme të jetës sime, kur mendimet shtresohen një mbi një , mendimi im vazhdon të shndërrohet në vendim. Kjo është ajo që të tjerët e quajnë ndjenjë e çastit. Por, nuk ngarkohem me atë se është e domosdoshme ta bëjë këtë apo atë – nevoja është ajo që më shtyn të bëjë diçka që tani më nuk është zgjedhje e çastit, të cilin e shoh qartë. Që ta shoh qartë , duhet të koncentrohem – e atë mundem ta bëj vetëm në izolim , gjatë ecjeve të mia të gjata...". Kjo përsiatje e këtij ideologu të madh na jep një kahje shumë të qartë rreth rrugëve që duhet të ndërmarr Maqedonia drejtë kyçje në këto instanca. Ecjet vetjake janë bërë përditshmëri e këtij vendi kaq të etshëm për bashkim me inercionet politike brenda suazave demagogjike. Por, ngecjet politike, gjuha e thyer ndërmjet pozitës dhe opozitës këtë shtegtim drejtë synimit final , po e bënë ende më të thellë dhe më të carë. Secili njeri, subjekt ose shtet për të vepruar jashtë vetes, duhet që punët t`i rregullojë brenda njëherë dhe pastaj të dalë në pjesën e jashtme. Në ekonomi ndikimi i mjedisit të jashtëm është bërë vakuum i dyndjeve milionëshe në sentencat financiare. Duhet te kemi parasysh se njeriu jeton me ëndrrën e tij edhe në fund të bjeshkës edhe në fillim të fjalës। Por, ëndrra, dinë të luajë lojën e tenisit dhe të kthehet nga sulmi i orientuar në një vetëmbrojte e vrazhdë। Ëndrra i mban gjallë shpresat , ajo i shtyn proceset të rigjallërohen dhe i bashkon vlerat në një vend të përbashkët। Sikur të mos ishte ëndrra sot Unioni Europian nuk do të frymonte lirshëm e as që dot ekzistonte. Prej nga mbështetem në një konstatim të këtillë? Po , mirë Franca dhe Anglia a nuk ishin në një luftë njëqind vjeçar ndërmjet tyre?! Gjermania theu ëndrrën dhe distribuoi forcën e tij ekonomike në pjesë të ndryshme të botës. Ky vend që ishte në buzë të shkatërrimit ekonomikë dhe politikë u ngritë lartë mbi vendet tjera prijatare të fuqisë. Po , sikur të mos ishte ëndrra a dot arrinin deri në një pozitë të këtillë? Maqedonia i ka të gjitha parametrat si ekonomike ashtu edhe politike për t`u bërë pjesë e këtyre shoqërive evropiane. Ka tokën mjaft pjellore , pozitën e fuqishme gjeografike, malin e pasur, ujin më të pastërt në Europë, rininë, fuqi absorbuese të mallrave të shpejtë, etj. Por, defekti qëndron te diskursi politikë i këtij vendi. Sikur të kishim një qeveri vizionare që do të arrinte t`i vëndojë në shfrytëzim të popullit të gjitha këto të mira natyrore atëherë nuk dot kishim nevoje që ne të kërkojmë kyçje në NATO dhe UE. Fatkeqësisht politika po udhëheq me jetët tona, prandaj edhe jemi bërë për të mos e njohur edhe veten. Marrë nga gazeta “Express” që botohet në Prishtinë.

1 koment:

Ecconomist tha...

I dashuri administrator i kesaj faqe.
Une jam Hamdi Nuhiju dhe te faleminderoj per postimin e ketij shkrimi ne kete blog.
Bile te preferoj te postosh edhe shkrimin Enderra Europiane dhe Solucioni Pragmatik i publikuar ne www.gazetastart.com
Por eshte nje leshim i vogel nga ana juaj , une nuk jam nga Prishtina , por nga Kumanova...
Pershendetje dhe gjitha te mirat..

Rreth meje

Arkivi i blogut

Tirane, Festohet 12 Qershori, 1-vjetori i nenshkrimit te MSA-se Shqiperi-BE

Tirane, Festohet 12 Qershori, 1-vjetori i nenshkrimit te MSA-se Shqiperi-BE

Welcome Mr.President Bush

Welcome Mr.President Bush
Rruga e Elbasanit, Tirana

Qytetaret shqiptare mirepresin Presidentin Bush

Qytetaret shqiptare mirepresin Presidentin Bush

President George W.Bush in Tirana

President George W.Bush in Tirana

President Bush, in Fushe-Kruja, Albania

President Bush, in Fushe-Kruja, Albania

President Bush, in Fushe-Kruja, Albania

President Bush, in Fushe-Kruja, Albania