TIRANE / 18 Korrik 2007
Ministri i Mbrojtjes Fatmir Mediu priti në një takim të veçantë zv.komandantin e Komandës Strategjike të Aleancës në Europë dhe komandant i Operacionit ALTHEA të BE-së, gjeneralin John Reith, i cili, në krye të një delegacioni, ka ardhur për vizitë zyrtare në vendin tonë. Në këtë takim ishte i pranishëm edhe shefi i Shtabit të Përgjithshëm i FA–së gjeneral major Luan Hoxha. Ministri Mediu, duke i uruar mirëseardhjen në vendin tonë ushtarakut të lartë të NATO-s dhe delegacionit që ai kryeson, shprehu falenderimet e tij dhe të qeverisë shqiptare për ndihmën dhe mbështetjen e vazhdueshme që Shqipëria dhe Forcat e saj të Armatosura kanë patur dhe kanë nga strukturat e Aleancës së Atlantikut të Veriut në procesin e reformave integruese euroatlantike. Më tej, Ministri Mediu informoi gjeneralin Reith për punën e bërë për transformimin dhe modernizimin e FA Shqiptare, duke u ndalur sidomos në implementimin e strukturës së re, në krijimin dhe funksionimin tashmë të Komandës së Forcës së Bashkuar, në rritjen e profesionalizmit të Forcave tona të Armatosura me qëllim që ato, brenda vitit 2010 të jenë një Forcë e vogël në numër, por tërësisht profesioniste dhe të ndërveprueshme me NATO-n. Pjesëmarrja në operacionet paqeruajtëse dhe në luftën kundër terrorizmit përkrah forcave aleate në disa pika të nxehta të globit, theksoi ndër të tjera Ministri Mediu, është një tregues i qartë jo vetëm i angazhimit tonë, por edhe i rritjes së shkallës së profesionalizmit dhe të operacionalitetit të trupave dhe strukturave tona ushtarake. Edhe shtimi 113 trupave të Reagimit të Shpejtë në operacionin e drejtuar nga NATO në Herat të Afganistanit është një tjetër dëshmi e kësaj rritjeje dhe këtij angazhimi që ka Shqipëria në operacionet për ruajtjen e paqes dhe të sigurisë në botë. Gjenerali John Reith vlerësoi arritjet dhe treguesit pozitiv në rrugën e reformave për transformimin e Forcave të Armatosura Shqiptare, si dhe angazhimin serioz të qeverisë shqiptare për mbështetjen që i jep reformave në fushën e mbrojtjes dhe reformimit e modernizimit të FA, duke rritur për këtë qëllim edhe buxhtin financiar. Gjenerali Reith vlerësoi veçanërisht pjesëmarrjen e trupave paqeruajtëse shqiptare në misionet në Irak e Afganistan në përbërje të Koalicionit Ndërkombëtar, si dhe në operacionin ALTHEA të BE-së në Bosnjë-Hercegovinë. Duke folur për procesin e anëtarësimit në NATO, ai theksoi se Shqipëria dhe Forcat e saj të Armatosura kanë bërë hapa të dukshëm në rrugën e tyre drejt anëtarësimit në NATO. Gjeneral Reith dhe delegacioni që ai kryeson u prit në takim një takim të veçantë edhe nga shefi i Shtabit të Përgjithshëm i FA-së, gjeneral major Luan Hoxha, ndërsa më pas për delegacionin e lartë të NATO-s u dha një brifing për transformimin e FA të Republikës së Shqipërisë dhe integrimin në NATO.
Gjenerali John Reith: Shqipëria hapa të dukshëm për anëtarësimin në NATO
Abonohu te:
Posto komente (Atom)
Rreth meje
- Trazhgim Sokolaj
- GAZETAR / Journalist
Lidhje ne Fokus
Lidhje
- Krasta Krau
- Artikujte tjere ne Google nga T.Sokolaj
- Artikuj nga T.Sokolaj (Ne Google)
- Levizja MJAFT
- Sajmir Kola
- Turizmi Shqiptar, Albanian Turism, Guide
- Gazeta Start
- NATO
- Keshilli i Larte i Drejtesise
- Ministria e Drejtesise
- Partia Demokratike
- Partia Socialiste
- Presidenca e Shqiperise
- Ministria e Kultures, Turizmit, Rinise dhe Sporteve
- Photo from Albania
- Peshku pa Uje, Blogger
- Ministria e Integrimit
- Deutsche Welle (In Albanian)
- BBC (In Albanian)
- Vioce of America (In Albanian)
- Ministria e Mbrojtjes
- Ministria e Brendshme
- Parlamenti Shqiptar
- Qeveria Shqiptare
- Express, Kosove
- Televizioni i Kosoves
- E-mail (Hotmail)
- E-mail (Yahoo)
- Motor Kerkimi (Google)
- Portali Shqiptar
- Revista MAPO
- Tv Klan
- Vizion Plus
- Top Channel
- Gazeta Panorama
- Gazeta Shekulli
- Albania Photo Album (Alket Islami)
Nuk ka komente:
Posto një koment