Shqipëria: të jetosh në të apo ta ëndërrosh nga larg?

25/05/2007
Blogerët shqiptarë diskutojnë kthimin e diasporës shqiptare, problemin e investimit dhe korrupsionit, kthimin e të rinjve në vendin e tyre të origjinës dhe shqetësime të tjera të emigracionit shqiptar.
Nga Klodjan Seferaj për Southeast European Times në Tiranë – 25/05/07
Blogerët shqiptarë ndahen rreth gjendjes së punëve në Shqipëri. Shumë pohojnë se fushata për kthimin e diasporës nuk po jep shumë ndërsa të tjerë mendojnë se korrupsioni është një pengesë reale për investimet dhe kthimin e emigrantëve shqiptarë. Pikëpamjet e përziera tregojnë qartazi një vend në tranzicion.
Në blogun peshkupauje, Llukan Tako ngre probleme rreth shqiptarëve që punojnë e studiojnë jashtë. "Shtypit shqiptar dhe disa [OJQ] shpesh u pëlqen të flasin rreth kthimit të studentëve, emigrantëve dhe investimeve të tyre në Shqipëri. Atyre u pëlqen të përmendin asetet që diaspora shqiptare do të sillte në Shqipëri, paratë që ata do të investonin. Për çudi, media nuk thotë kurrë në se ftesat patën ndonjë rezultat efektiv, sa shqiptarë aktualisht u kthyen në Shqipëri të ndikuar nga një propagandë e tillë."
Në një tjetër blog, duke diskutuar investimet në Shqipëri, Marjon Gerhazi thotë, "Jeta në Shqipëri është interesante, plot vitalitet e energji. Investimi në Shqipëri është zgjedhja më e mirë për momentin." Ndërsa Pepi është i patundur se diçka duhet bërë rreth korrupsionit që sakaton jetën e përditëshme, Suela justifikon situatën ekzistuese. "Shqipëria po ushqen një demokraci të re dhe ajo ende ka hapa foshnje. Ndaj, [ajo thjeshtë] po përpiqet, kjo është e gjitha." Mbi subjektin e emigrantëve shqiptarë dhe kthimin e tyre në Shqipëri, Blendi thotë se ajo dëshiron që të kishte më shumë informacion mbi subjektin. "Njerëzit nuk emigrojnë thjeshtë për t'u bërë të pasur, po për të pasur perspektiva më të mira në të ardhmen.Unë jam 28 vjeç dhe kam studiuar jashtë por kam dëshiruar kurdoherë të jetoj në Shqipëri. Amerika është atdheu im i dytë pasi kam jetuar atje për dhjetë vjet. Prapë, më merr malli për Tiranën time. A do të kthehem? Mbase po, mbase jo." Edrus është më specifik duke pyetur, "Pse nuk krijon administrata shqiptare një institucion që të mos i përkasë ndonjë partie, i cili do të ishte i vetmi institucion për të vlerësuar të rinjtë dhe potencialin e të rinjve [për t'u kthyer në Shqipëri].?"
Kjo përmbajtje është autorizuar nga SETimes.com
Artikulli është marrë nga website: www.balkantimes.com

Nuk ka komente:

Rreth meje

Arkivi i blogut

Tirane, Festohet 12 Qershori, 1-vjetori i nenshkrimit te MSA-se Shqiperi-BE

Tirane, Festohet 12 Qershori, 1-vjetori i nenshkrimit te MSA-se Shqiperi-BE

Welcome Mr.President Bush

Welcome Mr.President Bush
Rruga e Elbasanit, Tirana

Qytetaret shqiptare mirepresin Presidentin Bush

Qytetaret shqiptare mirepresin Presidentin Bush

President George W.Bush in Tirana

President George W.Bush in Tirana

President Bush, in Fushe-Kruja, Albania

President Bush, in Fushe-Kruja, Albania

President Bush, in Fushe-Kruja, Albania

President Bush, in Fushe-Kruja, Albania