Presidenti Amerikan Bush, letër falënderimi Kryeministrit të Shqipërisë, Berisha

TIRANE – “Kryeministri Berisha ka marrë një letër falënderimi nga Presidenti Amerikan Xhorxh W. Bush, në të cilën Presidenti Bush shpreh falënderimet e tij për mesazhin ngushëllues për tragjedinë që ndodhi në Institutin Politeknik të Virginia Tech”, thuhet në një deklaratë të Qeverisë Shqiptare.
Sipas njoftimit të bërë publik në faqen zyrtare të Këshillit të Ministrave të Shqipërisë, “Presidenti Bush shpreh hidhërimin dhe zemërimin e popullit amerikan për ngjarjet e dhunshme të asaj dite, të cilat u morën jetën pa kuptim disa studentëve dhe pjesëtarëve të fakultetit dhe që plagosi disa të tjerë”. Qeveria shqiptare njoftoi se “Presidenti amerikan i shkruan Kryeministrit Berisha gjithashtu se mesazhi i tij është një burim ngushëllimi dhe prehjeje për familjet e viktimave dhe gjithë popullin amerikan. Mesazhi juaj do të kujtohet gjithmonë me mirënjohje – përfundon letra e Presidentit Amerikan Xhorxh W. Bush, drejtuar Kryeministrit të Shqipërisë, zotit Sali Berisha.